غطرست نزوات فكري
 

[poem=font="Traditional Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غطرست نزوات فكري واوهم العقل بسكونه = واستشفيت المكيده يوم شمّيت الخيانه
وهدد الفكر انسحابه ومارضيت اقعد بدونه = وارتضيت لعنف طيشه واستمر بعنفوانه
يالله الخيرة يشارف عقلي الواعي جنونه = ومن هبالي كنت احسب اني انا عاقل تكانه
ياسمو الفكر تدرك لاتجيك اوهام خونه = لان حرب الزيف قام وبالسما عانق عنانه
كل عاقل بالزمن هذا يكون الله بعونه = وقت فقدان المبادي خلخل العقل اتزانه
كان سلم من انحرافه مات حسه من طعونه = وكان سلم وحي حسه.. الردى زلزل كيانه
ان شمخ راسه مهابه تقصر الطالات دونه = مالحق ادنى شموخ وماكفاه اقصى اهانه
خل عندك ياعزيز الروح بالدنيا مرونه = وخل عقلك بالوسط مابين خفه والرزانه
ان قسا ظرفك عليك تواجه القاسي ليونه = وان تهنيت برخاه اشتد لايغدرك زمانه
ماصبر غير الذي يعض شاربه بسنونه = حارب النفس بهواها وامتطى صهوة حصانه
المراجل للحريص من الرجال يبين لونه = والردى كلن يعرفه مايبي فهم وذهانه
الشجر لامات حت اوراقه اللي في غصونه = والمسيل الماء بدابه في مسيله من طمانه
ولو صدق كذاب مره العرب مايصدقونه = ماشفعله عند ربعه علمه وكثر احلفانه
وكل شكاك استشف الشك من اسواء ظنونه = ولو بداء باحسن ظنونه صار شكه في مكانه
الشجاع ان زاد فقره ضعف مانامت عيونه = فضل يموت بشجاعه عن مدى الدهر باهانه
من يقدّر ذات نفسه الجميع يقدرونه = ترفع الراس المتون وتحكم الهرجه لسانه
ياكثر مايزل طيّب منطق الفاظه تخونه = او من الجسره كلامه زاد من باب الميانه
وانتهزها محترف والنم فنن من فنونه = من ضياع المجتمع مقرود مليانن عفانه
يرتكي ويمد رجل وتلوي شماغه متونه = وبالتشدق والنذاله ياصل لسانه لاذانه
عاش عمره باستجابة دعوة الام الحنونه = ولا هو ماله مكان ولابحياته اي خانه
المهم ان كل واحد له خصوصياته وشونه = ويتفاوت طيب طيّب واول الطيب الامانه
وكل شي الا اربع السيّات (خاخات) المهونه = الخلاسه .. والخباله .. والخساسه .. والخيانه[/poem]

:

:


صباح الشعر يا فالح
نص ملبد بغيوم من فكر
تحياتي لجمالك

:

:

المراجل للحريص من الرجال يبين لونه = والردى كلن يعرفه مايبي فهم وذهانه

صدقت يافالح
صح لسانك
اجمل تحيه لقلبك

شاعر الشعراء

سلمت على هذه القصيدة الجميلة

كل الشكر لك

أختكـ/شووق

فالح البريكان

اصارحك
بأن هذا النصّ كانت كـ خيول الفكر الجامحة التي كان مركاضها نصّك
جموح وطموح قوافي لشموخ المعاني
وكلام يحيك بالمنطق بجانب الحكمة اجمل الأبيات
رغم كثرة التطرّق لهذا الموضوع لكن هنا وبحقّ اصارحك كانت بصمتك فريده جدا
((النظر للاخلاق والفكر بعقلانيه بعيدا عن النقل من المتعارف من الامور وكلام الناس))
لهذا كان تفرّد النصّ هنا غير مستغرب
كذلك اتى الكلام هنا بتصاوير ابداعيّه في مجال كل التصوير الشعري فيه ليستغنوا عنه
بالسرد فقط
وهذا مايؤكد تفرّد هذا النصّ مرة اخرى


كل التحايا لك