سكة النوح /// فيصل العنزي
 

بسم الله الرحمن الرحيم



إخواني وأخواتي أعضاء وزوار منتدى أبعاد الكرام

في البداية أعتذر لكم وللنقى الصديق العزيز والأخ الغالي عبدالله ثويني المانع عن الغياب الغير مقصود وأرجوا منكم مسامحتي ...


كما أقدم لكم هذه القصيده وهي أهداء للغالي عبدالله ثويني المانع وأرجو أن تنال ولو القليل من استحسانكم



سكه النوح


[POEM="font="Arabic Transparent,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ينجرح بالحب ينساه ويروح = وأنا أنجرح وأرجع ولا اتوب عنّه
قوي قلب وما أعرف سكة النوح = مجنون حب وكل جرحٍ أجنّه
أستبسل ليا جتني طعون وجروح = وتمرني مثل الفرس دون أعنّه
أكتم وأنا ادري علتي تطلب البوح = والجرح يحتار بخفوقي وفنّه
معذوره جروحي لو تدور صلوح = تشن شنه وأرجع بألف شنّه
طبعي كذا قلبي على الحب مشفوح = ولا يعرف أوجاعه ولا يعرف ونّه
ما للألم في داخلي ذرة طموح = والحزن لجله كل سكين أسنّه
الصبر في هذا الزمن صايرٍ لوح = وأحلام فيه معلقه بكل قرنه
أحلام واجد ذكرها ينعش الروح = عاكسهن الواقع ولا سايرنّه
ودام الوفاء عطر ومن الخافق يفوح = درب الخيانه أرجلي ما وطنّه
عايش حياتي كلها ضحك ومزوح = وهموم قلبي ماقدرن يطرحنّه
صريح دايم مبتسم كلي وضوح = والجرح له فرحاتٍ يعالجنّه
ومادامني ما اعرف وش سكة النوح = الحب يبقى شي ما أتوب عنّه[/POEM]

وشكرا لكل من مر هنا

لكم تحياتي وتقديري

اخي فيصل

صح السانك ولاهنت

سرني اني اول من يصافح هذه الرائعه

دمت مع كل الود

فيصل ناصر
نص رائع وراقي
صح قلبك
احترامي

ودام الوفاء عطر ومن الخافق يفوح
درب الخيانه أرجلي ما وطنّه

عايش حياتي كلها ضحك ومزوح
والهموم قلبي ماقدرن يطرحنّه

صريح دايم مبتسم كلي وضوح
والجرح له فرحاتٍ يعالجنّه

ومادامني ما اعرف وش سكة النوح
الحب يبقى شي ما أتوب عنّه


الله عليك وعلى هالجمال

ابيات قمه في الجمال والاحاسيس

ويستاهل عبدالله مثل هالابداع


بانتظار الجديد اخي العزيز



سلطان المسلط