منتديات أبعاد أدبية - سمول العوايد

لمشرفي ومتابعي ،،منتديات أبعاد أدبية ،،
بين الماضي والحاضر ،،،نستشرف المستقبل ،،

لكن الذات ،قد يقيدها الوفاء ،،فتلتفت للماضي المفقود ،،حنينا جرحا نازفا بسكين اللغة ...
أنا الفقير اللـي غنـيٍ بالاخـلاق

وما للحسد في بنـك قلبـي فوايـد
ما صارت اخلاقي بضاعه بالاسواق
ولاعفت من لبست سمول العوايـد
ولو ان لي قلبٍ على الوجد خفـاق
مـا لومـه الا اقـول يابالعـوايـد
ولو اني اشكي فالهوى وصل وفراق
ما يرتخي راسـي لزيـن الوسايـد
اتوق مثل اللي على الكـف تـواق
واشوم عن سجاع خضر الجرايـد
طلعي بعيد وفي يدي كـل مسبـاق
رغم الظروف اضرب على كل كايد
ان كاني مشتـاق للطيـب مشتـاق
يلقانـي الطيـب بوقـت الشدايـد
لحتاجني خيلي على الفزعه سبـاق
ما همنـي لـو هـو بعيـدٍ ونايـد
هذي حياتي والليالي علـى سـاق
ويـام عمـري بالمحبـه جـدايـد
ويلي سكنت بخافقـي كـل معـلاق
لولاك ما نبنـي بيـوت القصايـد
ليتك بميعادك كما شمس الاشـراق
توفي ليا منـك عطيـت الوعايـد
ويلي تطفي بالحشا جمر الاشـواق
وغلاك عن كـل المخاليـق زايـد
لك نظرة من سحرها الصب ما فاق
قلدتني مـن سحـر حبـك قلايـد
تعال نقضي باقـي العمـر بعنـاق
وعمري لعمرك يا حبيبـي مدايد