|
.. لـعــــــــــــــموم الثعــــــــــالب !!
: هذا بعض الصخب !! وليس كل الغضب !! .. اهداء لهم في منفاهم الحاقد .. الذي تلبّس جلباب الناقد !! الذيب لاهرول عبث ماانحسب ذيب ــــــــــ رح ردها عني لـ عموم الثعـالب !! يوم اسرفوا باللعب مدري الالاعيب ــــــــــ واصبح لهم : راي،، وحضور،، ومطالب !! وصلـْت يا اهل الفتن والاكاذيـب ـــــــــــ هذا انا 00 وش عندكم ياطحــالب !!؟ ماتغلبون بـْـ(مكركم) راعي الطيب ـــــــــــ الطيب ماله ياهلا العرف غالــب !! انتم هواة العيب ،، لا ،، منبع العيب ـــــــــــ انتم اذا جينا نعـــّـد المثـــالب : (نفضة شليل) ووافقت (شقة الجيب) ـــــــــــ شحنة ردى ،، مابين موجب وسالب !! جيت وبرتبـكم ورى الصمت ترتيب ــــــــــــ وبجلب حروفي نار مادمت جـالب !! ولا تــِلحقوني من وراها مطاليب ـــــــــــ استبسلوا وخلوا الحروف إتطـالب !! تدرون ماتمشي علي هالاساليـب ـــــــــــ استاذ انا 00 وانتم تفاهات (طالب) !! با قلـّب طعوني على اشكالكم شيب ــــــــــــ واشكـّـل مْــن الطعن مليون قـالب !! وان حان قلب الطاولة.. وعالم الغيب ــــــــــــ ماتقلبون الطـاوله يامقالـب !! يقلبها من قافه بعال المراقيب ــــــــــــ اللي حروفه لاتـوازى مخـالب !! يعني مهي شرهة ضيوف لـ معازيب ــــــــــــ إلا ( وغـى ) فيها الظروف إتكالـب !! لذا ارحلوا عن سكتي واقطعوا الريب ــــــــــــ من قبل لا يصلب فدا رضاي صـالب !! ولا غبت انا تأكدوا يوم(ن) آغيب ـــــــــــــ اني اغالب هالغضب يوم اغـالب !! يااشباه مدري اشباح ، والذنب : تأنيب ـــــــــــــ مـ/انتم بـ قد السلب خلـّوا المسـالب !! شفتوا شلون الموت لاهرول الذيب ــــــــــــــ صوره مع الرعب لـ عموم الثعـالب |
اتمنى من اخواني المشرفين
تنسيق القصيدة لاني ماقدرت انسقها ولهم كل الشكر والعرفان 00 سامحوا جهلي 00 |
: بالأمس قرأنا هذا النّص الأكثر من رائع في مجلّة وضوح ، واليوم ها نحنُ نحتفي به وَ بِغَضَبِهْ وَ بما تَدَلّى من رُطَبِه ، كم أنا سعيدٌ بما قرأت / وواثقٌ من أنّ الجميع سيُشاركوني هذه السّعادة . شُكراً لكَ ياعودة على هذه الـْ...عَودَة الأكثر من ثَريّة . _ تقديري وَ احترامي _ |
عوده نزال
نص رائع أضفي لـ وضوح / الوضوح وأكتست به رياض أبعاد روعة . |
اخي \ عوده
نسجك التام والكامل للنصّ فاخر أخذك للنصّ من مطلعه والانتهاء به الى حيث تريد هو جمال آخر تكتب فـ تعرف ماتكتب ومن تعني ألف تحيّة لك |
ماتغلبون بـْـ(مكركم) راعي الطيب الطيب ماله ياهلا العرف غالــب !! رغم الغضب إلا أن الطيب يغلب الكريم .. عودة نزال حضور شامخ صح قلبك ودمت في خير |
صح لسانك
على هذه القصيدة الجميلة كل الغلا أختكـ/شووق |
عوده .. شكرا لانك كتبت الشعر في يوما من الايام
رائع .. ياعوده سعيد جدا بقراءتك |
| الساعة الآن 09:12 PM |
Powered by vBulletin® Copyright ©2000 - 2024, Jelsoft Enterprises Ltd.