كــ لــ مــ ا ت \\ مــ تــــ قــــ ا طـــ ع هــ
 

صباح الخير وكل عام وانتم بخير



..



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] لام \الف\ تا\ وكاف\ ولام \ ميم \ انتبه ..\ يا= لا تكلم قبل لا اعطيك الامر وتكلم

افهم الرمز همز بلمز وتعرف الاريا= اسمع العلم مني واكتمه لاتعلم

خل فكرك معي حاضر على كل طريا= لاتكلف ببعض الهرج ولا تحلم

اركب الطايره والتذكره فوق عليا= احتزم واربط احزام الامان وتولم

كان جتك الحروف بما نحوف لك مليا= لا( تضيع) المكاتيب استلمها وسلّم

انت شايف وعارف معظم الناس ضميا= بس لايلبس التلميذ لبس المعلم

ياقمر شهر شعبان العواسيس عميا= والحيا( امحل وفي جحر) الحيايا تبلم

والله ان الخواطر والهواجيس طنيا= والوفا من جفا عجف الليالي تظلم

دنيةٍ ما انت فيها ماهي اليوم دنيا= ودنيةٍ تحتويك اجهل بها واتعلم

السوالف تخالف والمشاريه عريا= والتوالف توالف والمعالم تثلم

باش ديمن مع اكة هاص مع ميم شريا= ما تكمل سرا لو رحت فيها تلملم

حالتك حالةٍ ملها مع الناس حليا= مؤلمه مير محدٍ من ألمها تألم

لا تحاول ولا ترقى على سور عليا= منت قادر ولو حطيت سلم وسلم

رح وكلٍ على وجهه من الالف لليا= والله انه يسلم لجل سلمى مسلم[/POEM]
..

حي الله الشاعر وصح الله السانك

ومبروك عليك الشهر الفضيل


ياخي تبيعني رقم عضويتك

<---- مغرم في الأرقام المميزة

قصيدة يكتبها المعلم

في خمس دقايق بين الحصص...

احتراماتي

حمّاد كان مطرك غير

ونص يستحق الوقوف

تقديري

صح قلبك

على هذا النص القيم

كل الغلا

أختكـ/شووق

الله يحييك يا محمد

صح بدنك ولاهنت

ومبروك علينا وعليك الشهر الفضيل وعلى كل من يقرا

....

ورقم العضويه يفداك يالغالي .. لو انه ذبيحه ماعشتك :)


نسق انت بس وخالد الحربي وخذ الرقم :)



...

وشكرا الف اتواصلك المرغوب دائما


.