الــريـح وهـدبْـك !!
 

[POEM="font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]في غضون الصمت , والريح , وهدبْك = والطريق اللي قصر لك خطوتي
لاسما يقرا , ولارملٍ كتبْك = غيرك انتي يالهبوب وهقوتي
لين زكّا القيظ جرحي واحتسبْك = عند حرفٍ مابخل في دعوتي
من متى الصحرا نخل تجني رطبْك ؟ = من متى زلّ السحاب فـ " حروتي "
اقتفي بك " شمس " وارتاح بـ " نصبْك " ! = لو شمال الغيم يُجْنب سلوتي !
من زرعت التين في تربة عتبْك = ماجنيت الاّ مرارة عنوتي !
في عصاتك يـ " الكفيف " آثر غضبْك = وانّقي حِلم الغضب من قدوتي !
عذق نبته ! ظل ّ شمسك ماحجبْك = لو هديل الوَرْق يجرح غفوتي !
رافد الذكرى مع المحجر سكبْك = دمعة الملح ورثاثة كسوتي !
ثار جرحٍ من فتوقه مارتبْك ! = لو يخيط الغرز منبع شقوتي
عالم الأحلام " ماد " وصوت " دبْك = خيل " , لانام الطريق فـ " صحوتي "
ماخطب ودّي , ولا ودّي خطبْك = كلّ مافي الليل يضعف سطوتي
وخِبْرة الأيام , عيّت تكتسبْك ! = لو شحيح الوقت , قلّل حظوتي
ابتعد عنْك , وحنيني يقتربْك = واقترب لـ " ابعد " مسافة نشوتي
جيتك من البرد لـ " عناية " لهبْك = كثر مانادى الوجع : يااااااااعزوتي !
ترتعش ! واشعل من ضلوعي حطبْك = واتحرّا ليييييين " تبرد " قهوتي
واثرني مع جمر شوقي مصطحبْك = وانت ماتسمع فضاعة شكوتي
وكان مات الصمت في شمعة هدبْك = من يقلّ رياح مركب خطوتي ؟[/POEM]

العذب والنقي


فيصل بن عسكر


الصمت في حرم الجمال جمال سوف اكتفي بهذا

واستمتع بقرأة هذه الدره

لك التقدير


كن بخير

صورة الجمال المكشوفة مفاتنه عالٍ ../ عالٍ جداً .. هلا سترته !!
أو اقرأ على حرفك تعاويذ الحفظ ../ أيها الساحر


نصٌ مُكتضٌ بالجمال
صح لسانك


.


.

صح نبضك .. ياطاهر ..