[حسام المجلاد]

كانك الليلة.. تبيني لاتجيني
والله إن البال من هالحب طايب

وعلّم شموع المسا لاتحتريني
ماتفيد إن كان شمع الحبّ ذايب

تدري إنك كنت ثالث والديني
وادري إني كنت لك كل الحبايب

بسّ مابي شوفتك مهما؛ تبيني
خافقي من سيرة الاحباب تايب

ودي اتْبلد .. ولا تقفي سنيني
معْك؛ يامن توقد بصدري لهايب

كان ما اثّرت لامن جيت فيني
ولا يأثّر بي ليامن صرت غايب

مو غريب إنْ شفت وقتي يزرديني*********
الغريب إنك تعينه .. بالنوااايب

ماقدرت آفزّع .. لحلقي يديني
هايبٍ وقتي؛ ومن طعنتكْ هايب

جعْل ربي عن محبّتك يهديني
قربك مصيبة؛ وتوديعك مصايب

ابتعد؛مافيه لَك .. عذرٍ سميني
الَمحّبه .. ماهي بْلحية غصايب

ولّا انا بصبر على زايد حنيني
كل ما هبت من الذكري هبايب

لايزال الشوق ؛ بعدك يعتريني
شوقٍ يّذكرني .. بْفقدان شايب

شايبٍ؛يفداه .. مابينك وبيني
ماجزعت لمثل موته بالقرايب

كنت أخاف مفارقك لا يبتليني
لين جدّي صار من حدْر النصايب

اشهد إن مفارقك؛ هيّن بعيني
واشهد إن فرقاه؛ ملعون الصلايب