من المصحة النفسية بالرياض
شفاك الله يانايف شفاء لايغادر سقما
ادوج الشارع الي فالمدينه
الف الدار واعيوني حزينه
ولا املك حيله لهمي وعيني
تصب ادموع من كبر الغبينه
على الي بالمرض ياكبر همه
يراعيلي ولوح في يمينه
يدور فالفضا حل لسؤاله
جوابه في عيونه وسط عينه
تضيق ابعاد وافكار واماني
بعد ما شفت دمعة والدينه
كأني اول انسان التقا به
وكأن مافي سواهم فالمدينة
كتبه الحظ ما يملك اراده
وش الي جاز للواقع يدينه
تذكر قبل ماتحكم لجرمه
خطا الايام وش سوت يدينه
تحت ظل العداله تحت ربه
يمر العمر وتمضيبه سنينه