كتبت في سيلار، فرنسا
منذ 7 سنوات ..
سيلار ... تلك القرية الصغيرة جدا
الماطرة جدا.
ترتمـي "سيـلار" تالي الليـل فاحداقي
سحبـهـا ترسل رذاذ يـذوّب الغصّه
و السما تمطـر حنيـن بنيـّّة اغراقي
لكن النسيـان فج الصدر و امتصّه
هي كـذا كـلّ الليـال تحيك باشواقي
شِعـر يملاني سكوت و يُحتضر نَصّه
ما هقيـت انـّه فلحظة ينـوي فراقي
لكـن الهقوات خابـت فآخـر القِصّه
سيلار يا خوّة دروب الحزن وش باقي
مـن تراتيلي علـى مسمعـك آقصّه
قلبي المنهـك تغافـل لحظة اشراقي
بعثر انواري بليل ٍ تـو مضـى نصّه
و اشعل اليـاس بهدوء فحزمة اوراقي
كنّ مـا في الشِعر بيت ٍ واحد يخصّه
ماتت الاحلام يـا سيـلار فأعمـاقي
وذي مقابـرها فوسط الصدر مرتصّه
كلّمـا اتمنّى حضـور ٍ يحيـي خفّاقي
يمتلي صدري غياب و اختنق غصّه !