قال لي السياسة شغلانة صعبة و مشكلاتنا معقربة
بنزين وغاز و علام و صحة دا كله غير الكهربة
وشاف ف عيني سؤال شاغلني.. ازاي نحل دا كله يعني؟
قال بالحنان و الطبطبة!!
--------------------
قلبي ماشي ب يتمرجح شمال و يمين علي حبل سلك
بين إني ابوح لك أو أخبي ك بهلوان لاعب ف سيرك
و اخاف اقول لك بعشقك ما تصدقيش
و اخاف اقول انا بعبدك ل يبقى شرك
-------------------
ساعات ب احلم ب بكرة ييجي ب حرية فيها نعيش
ييجي ب بسمة تمسح عينيا و من بعدها ما تبكيش
لكن قلبي من كتر ما شاف.. ساعات انا من بكرة بخاف
و اتمنى بكرة دا ما يجيش
-----------------------
قام الصبي و انتفض و رمى الحجارة ع الجبان
ما هو شاف بلاده ب تغتصب كل يوم و دا من زمان
قتلوه الصهاينة ف حضن ابوه
صدق اللي قال مش كل بني ادم انسان
------------------------