إن كان حياتنا عذاب الآه ما ح نقولها
والسنه بعد السنه بتعدي فصولها
مصر عروسه لابسه الطرحه والورد فوق شالها
وقف الفقير بيقول ياخساره يا خسارة
الطبع غالب معاه والنفس أماره
نفسه يشم النسيم وجوارحه محتاره
ضحك و سخسخ وقال الدنيا ما اديتني
الدنيا ضحكت معايا سنين وخدعتني
ورفعتني اعلى مكان في الوهم ورمتني
جربت ورود الربيع ومن ايديه شدت
وقالوا له ود الناس تلقي الناس معاك ودت
وطول مافيه الامل تلقى الهموم عدت
\..