قالت احبك قلت ياباشة الغيد*
.....ادري .. ولكن .. مجتمعنا .. منعَنا
قالت أحبك قلت سور التقاليد
.....سوّا .. حواجز .. بيننا..وانقطعَنا
في سابق الآيام كنا أجاويد
.....أحباب من نزف المشاعر صدعَنا
عذبنا شباك السهر بالمواعيد
.....ياكم .. نسولف ..ليلنا ..ماشبعَنا
آمالنا مركب سفر طافت البيد
.....عزم الشباب اللي تحدى ودفعنا
واليوم من كثرالعتب والمناقيد
.....اغراب ..صرنا والسبب مجتمعنا
احلامنا شابت وكانت مواليد
.....والياس ..دربه. ياعيوني جمعنا
محمد الثوعي