من عيونك نقش يبني الذاكرة
ونبض يرسم كل شي ن فاكره
تاهت بي الدنيا بغيبوبة ألم
وماتاه قلبي عن محبة طاهره
عمر السنين اللي مضت ماغيرت
ماضي هوانا سجن يروي حاضره
من شفت ظلك كل عظمي أرتعش
ياكيف بخفي حب قلبي جاهِره
داريت أو أخفيت يومتها السبب
وتسايس ايامي مشاعر صابره
ودي الاقي راحتك لو بالقسى
لكن فؤادي كيف أرضي خاطره
وأغضبتك وأغضبت قلبي والهوى
إللي رماني في شوارع حايرة
وفجأه لقيتك دون تخطيط وسبب
جابتني الدنيا بلحظة ماطرة
والحين بيدك تسمحي أو تمسحي..!
ماجكي مني شي ماني ناكره
كل لحظة عدت تنقر أضلاعي وجع
وإن كان سكينك قتلني عاذره
ماراح أكتب ليت أو ( لو ) في عذر
أمرك وإنتي الناهي والآمره
بس ينتهي الحزن بحياتك للأبد
وأشوف أفراحك بدنيا وآخره