[دعاس الرويلي]

كِلْ الفــــــــرَح بالأرض خَلِّيـه خَلِّيـه

............إنتـي وأنـــا أَفْرَاحَنـا مثلنـــا فـوق

إِنتي معي وإلا الحفل مَاانْتِي بْفيـه

............أَدْري ولكن شوق ومْجَنّنِـه شـوق

لاتِحْرقين الجـــوف يكفيــه مافيــه

............... لولاك قلبي مابقَــى فيه معلوق

لَيَا بَعَدْهُم مابقَـــى غيـــرك أرْجيه

.............وإلا تبين أَرْسِـل خيَالك مع المـوق :

ويَحْلِف لك إن العِشْق لولاك مَابيه

............وإِن الحياه اللي بدونك غَزَل سـوق

يامَالِكَــه بالزيـن كـونٍ من التّيـــه

.............وِمْن الغــلا ديــــمٍ تَلاَلاَ له بْــروق

لاَاتْصَدّقين بْشــوق يِرْضيه طاريـه

..............الشوق نار ونـوب جمره سنا ذوق

إِلْيَا إحترَق يِحْـرِق سماها بْمَا فيه

.............لين الدفا يَبْرد على حامي الشوق


...