ياسيّدي والريح ..روح الأشرعه
عطني من عيونك شواطئ للنجاة
حررّني من قيد الحروف الأربعه
واجمعني من دنيا بها ايامي حفاة
غصن السهر ..لاتستبيحه وتقطعه
لـ اجلك ترى أورق .. تعاليل وحياة
من ريحة الظلما.. لحلمٍ أتبعه
جيتك أدوّر من قناديلك صداه
جيتك أدوّر ..في مواعيدك سعه
من بعد ما ليل اللقا ..ضاقت سماه
مايعصف بقلبي ويكسر أضلعه
الا إذا صوتك في حلق الحزن تاه
خلِّ وداعك ياخذ احضاني معه
واتركني انحر من تناهيدك خطاه
.
.
.
جفني اذا حرّك غيابك أدمعه
تنبت على روحي من الفرقا صلاة