لا تدعك القلب ترجي يظهر المارد
. ويقول لبيك عبدك باح مكنونه
قنديلك اللي انطفى ليل الشتا البارد
سيّان عنده وفيت أو توّك تخونه
ترجّل الفارس اللي لاجله تطارد
يازين شلفاك ملّت تطعن طعونه
كل ماحداك الضما جيت الضما وارد
كنّك تعاف القراح وتشرب عيونه
شاب العتب وانقطع ما بيننا الوارد
ولولا الندم ما غرس فـ ابهامه سنونه
والحزن سيف على أرقاب الفرح جارد
وكل بسمةٍ في ديون الصبر مرهونة
و إن صادفك في طريقك بالي الشارد
قلّه يموت الهوى .. باعيش أنا بدونه
