مدخل >
الهواء غربي و أشوفك تجذبينه
وكل ما هب الهواء زادك صبابة ..!
كنت احبك حب مكة و المدينة
للنبي و تابعينه و الصحابة ..!
لين حدتك المقادير اللعينة
للغياب اللي ملىء صدري كآبة ..!
/
\
حبيبي غاب من مدة و اشوفه في وجيه الكل
عجزت انساه و الاغرب تذكرته وهو ناسي ..!
مخليني مع نفسي تحت هذا المطر مبتل
يا ليته حرك احساسه مثل ما حرك آحساسي ..!
بعد ما غاب عن عيني بدونه ما بقى لي خل
فقدت بغيبته نفسي , فقدت بغيبته ناسي ..!
أنا اذكر قال لي عندي ظروف استاذنك ب/ارحل
وأنا ل/الحين أقول أن إبتعاده من تحت رآسي ..!
آحبه كثر ما ضاعت حياتي بين شمس و ظل
كثر ما احتاج لوجودة، كثر ما اجتاحني ياسي ..!
غيابه مشكلة عندي عجزت القى لها اية حل
قسى واجد على نفسه مثل ما هو علي قاسي ..!
أنا باقي أحبه لو يقولون : ( المحبة ذل )
ومهما يبتعد يبقى هواه اقرب من انفاسي ..!
ولكن يا ترى ب/ابقى على هذا العناء و اضل
اعيشه لا شعوريا مع فكري و هوجاسي ..!
محمد بن شتير