يازمان لك غيتك جمالك دا بلوتك
طب ايه العمل والحيلة
اعمار قصيرة او طويلة
الكل واقف في الطابور
بقليب صبور
الكل مستني العبور
الكل راكب سفينة الحياة
الكل بيقول ياه
دا الطمع طبع البشر
الكل عايز يعيش مليون سنة
الكل بيخاف من الموت من المدفنة
الكل بيخاف صورة الكفن
وريحة العفن
الكل واقف في الطابور
بيأدوا الرسالة
الكدب منشال من القانون
فوج من البشر
قبلة عبر
اللي صبر
واللي بإيمانه اشتهر
واللي كفر
اللي ملوش من الذنوب
واللي ذنوبه ما تفتقر
الكل يحكمهم قرار .. هو القدر
مفيش هزار
الكل راكب في القطار
الكل مستني القرار
مفيش محال .. بدون سؤال
رايحين القبور .. لا بد .. وحتما
رايحين القبور
\..