[رضا الهاشمي]

ما يجيك مْن البنات إلاّ المذلّة

وما يجيك مْن الزّواج إلاّ الوَجاهة.




يا تحبْ بين العذارى بنْت عدْلة

ولاّ طبّ العشْق واختار النّزاهة.




الخسارة لو عشقت انْسانة هبْلة

تحسب إنّ العشق هو فتْرة نقاهة.




و إنْ عشقت فْ يوم لكْ يا صاح نحْلة

لا اتّذوق شهْدها يوم بْشراهة.




وانتبهْ للفرصه اللّي اتْجيك غفلة

واغتنمْها زين قبل الإنتباهة.




الحياه صعْبة ترى ماهي بسهلة

لو تفهْت أيّامها تصْبح تفاهة.




ولا تخاوي من نعاله مثل عقْله

ولا تماشي منْ يحبّون الكراهة.




والعلم للّي ايْتعلّم مثْل نخْلة

والجَهَلْ رِجْل ٍ تودّي للسّفاهة.




ومنْ فتى له عنْ جَهالة نال جهْله

والفِقِهْ خلّه على أهْل الفَقاهة.




ولا تبذّر جلّ عمرك في مجلّة

ما بها إلاّ التهجّم و الفُكَاهة.




ولا اتدلّه ع اللي حطّك تحْت رجْله

ما حد ٍ يسوى الغلا ولاّ الدَلاهة.




غير ربّ ٍ خالق ٍ هالكون كلّه

والنّبي ياللي شفاعتنا بجاهه.




قد خُلقنا للعِبادة بْكلّ وهْلة

ما خُلقنا للتّسكّع و الرّفاهة.