[عبود القحطاني]

🌹🌹🌹أجمل سواليف الهوى في الضمائر 🌹🌹

يا سواد الغيم في عين المزون
يا سحاب خايله برق عصف

أنت وبل في ضميري له كنون
لاشبيه له ولا هو ينوصف

مزدحم بين المحاني والمتون
راكز سيله بقلبي يرتصف


(النص)



هي سالفه أرتقت متن القصيد وبرك
حمالها تثقله لو جـرّ صوته و ون

على سنامه حمول وفي عقاله شرك
ما تسمع إلا هديرٍ وسط زوره يحن

عليه سقت القوافي لين نابه فرك
وانشدّ قيد المعاني في يدينه ودن

لين القصيد استوى من فوق ظهره ورَكّْ
وتعاقد الحرف مني في وثاقه لحن

يا مرحبا يا ذلولٍ ما خضت بك معترك
إلا تثنت نياقٍ دون صوتك تِكن

بيني وبينك عهودٍ ما دونها نحترك
لا تحمل الا جزيلٍ وانا بقافي أعن

واليا وطينا سهول في طرفها درك
ارفع مقامك لو انها للمثايل وطن