[صالح العرجان]

المشاركة الأصلية كتبت بواسطة علي القرني

اهلا بكم جميعا نعود اليكم بهذا النص
آملا ان يرقى لسمو الذائقه

مرّوا ندامه / واذّن بصوت مبحوح
ياحادييـن أوجاعنـا ...... لا تعبـتوا

يالعابـرين . آهات في غصَّة البوح
غبتوا فرح . وبكل حزني حضرتوا

هذا المسجـَّى بالشفق. ضي مذبوح
كفّـن سناه الليل .. من يوم غبتــوا

دمع الشموع ونزفها روح ووضوح
أجمل ذنوبه . واكبر الي اقترفـتـوا

كنتـم هناة الروح . يوم إن له روح
الله .. كم كنتـوا . وكنتـوا . وكنتـوا

يالعائديــن : وكنـكم ذنب مصفـوح
رحتوا هقاوي وش بقى لو رجعتوا

طحتوا منازل والسما ابراج وصروح
ياليتها طيحـة مطـر ... يوم طحتـوا

اللوم جارح . والعتب حيل مجروح
مهما على غصني . بكيتـوا ونحتـوا

روحوا. وشلّي جابكم يكفي جـروح
محتاج اسامح طيـبتي . لو سمحتـوا

نقطه . تعجب! حيْرة سؤال مطروح
مابه حيا / أو دم . كيف انجرحتـوا

مع ازكى تحاياي
علي القرني

مع قصيدك استبشر الابداع والروعه دايم حتى ولو كان اخره علامه ؟
انا وسمرائي الفاتنه وشعرك في صباح تغرد غيومه بالمطر

صح لسانك يا شاعري