مسائكم جميل بجمالكم 🌹
غزلية كتبتها في أحدى الفاتنات ..
-
(يا قمر)
يا قمر، و الله إنّك في عيوني قمر
مو بشر، تدري إنّي ما أشوفك بشر!
من يشوفك يقول الشعر غصبٍ عليه
و يجبر الناس تاخذ من وصوفك عِبر
في حضورك تمامٍ مثل بدر التمام
و في غيابك ظلامٍ من خسوف و كدر
و إن تكبّر أحدهم أو طغى في سماك
لو هو سْهيل في حضرة جنابك صغر
و للسوالف معك لذة و راحة ضمير
و من جلس تحت ضيّك ما يملّ السهر
و قدّر الله علينا إن مثلك بعيد
و القمر من يطوله! حدّنا بالنظر 💔
-
تحياتي ..
ابريل 2018م