في دربكم يا راحلينٍ مناكيف
تالي ليالي القيظ وأول خريفة
ردوا سلام أهل القلوب المواليف
على الوليف الي نشد عن وليفة
ردوه لعذوق النخيل المهانيف
وعلى القصور الي بوادي حنيفة
دارٍ لها بالقلب عشق وتكاليف
ياعل عينٍ ماهوتها كفيفة
طبنا وشبنا واتعبتنا المشاريف
والمرقب العالي هبوبه عنيفه
يا واردين العدّ كفو المغاريف
الي بقا دمعٍ هماجٍ ذريفة
والله لو دمي يغيث الملاهيف
قطعت عرقي لين يصفى نزيفه
ياحظ من لا عرف من هو ولا شيف
ان طاب يحمد وان تردى بكيفه
وحنا ورثنا المجد عظم وغضاريف
لا ما ورثنا المجد تاج وقطيفة
بدر بن عبدالمحسن