عنيتك وأنا ماانكر إني كنت قاطع لك
...........................بس أذكر اني هنا لاطول عتابك
ياما تندمت مدري ليش أبعد لك
......................أجيك وافرح .. أبيك تقول دش بابك
ياابن الأكارم ترى حبيت أوضح لك
.........................أنا أحبك .. وأودك .. واتبع ترابك
لاضمت اضيم ومتى ماتبعد أقرب لك
......................ولا رحت أتوه ومتى ماتقتك اعيابك
ان كان حبك يمسيّني على قفلك
....................طوُّيت رجلي .. وناديتك على أبوابك
لكن بعد تنصرف .. حبيت احلّف لك
..................استفتني في ضميرك .. وأفتح كتابك
قصة القصيدة كان أخوي الكبير زعلان مني
وعاتب علي من فترة ماشفته
فكتبت القصيدة وقلتها في زواج وكانت مفاجأة له
فرفع بشته من كتفه وحطه على كتفي
احلى مافي البشت يوم فاح العود
اللي فيه على جسمي
احساس جدا جميل