؛
؛جنوني انت،،،
من اللي كوّن الثاني
انا والا انت،،،
ياكل اوقاتي لو تسمح
ذبح قلبي كلام ،،. الصمت
تكلّم قول ،، تراني فيك انا آمنت
جنوني قول:
احبك ،،، حتى لو كذبة
ابرضاها واقول احسنت،،
جنوني انت،،،
طموحي انت،،
انا قبلك ،، ولاعمري ،،عرفت الخوف
ولكن بعد ماشفتك صراحة خفت
اخاف الخوف ،، يخنقني
ويكفي مااشوف،، وشفت
يخون الموت
ولاعمري بحياتي خنت
جنوني ليت تفهمني
ابعرف منك،،، من اللي بعثر بلاده
وسطّر بالغروب ،،، شروق
رسم وجهك على صدره
كسر ،، ربعه ،،
كتم ،، دمعه،،
وفي الآخر تكسره هالبنت
جنوني انت
يابعد لون السحاب ،،
اذا يرضيك عذّبني
انا لرضاك ،، كلّي لك
اهون لخاطر عيونك
لوني مابحياتي هنت
جنوني انت
ابيك تعلّم الأطفال
وشلون البراءة تصير
ابيك تعلّم الرجّال
وشلون الرجولة غير
جنوني انت
عسى ماشر،،
وش اللي في خيالك
صار،،
ياليتك بس لو تعرف
كيف يتساقط الاحرار
وربي من عرف عينك
ولاهو حر،،،
جنوني انت
كذا ياروح ،، تغيّبني وانا موجود
الا يابوح،، تساعدني ارد المُود
تعبت اركض ،، وانا في موقع اقدامي
ولا القاك ،،،
ابفهم وين القاني،،،
واعيشك للاماني جرح
تعال وكفكف جروحي
انا لو اسكن عيونك
اضيــع بغابة رموشك واظل اسأل
من اللي كوّن الثاني
انا والا انت،،،
جنوني انت،،،
؛
:
زايد..
: