يامل قلب" طوته احزان يالثوعي
ياكثرها في كنين الصدر مخفيها
على فقيدة. حياتي غلق أسبوعي
وعيني سكب دمعها من ود غاليها
ماروحت مع قطين البدو بنجوعي
من ديرة" مجدبه كثرة ومضاميها
ولاهاجرت عن وطنها حدها جوعي
جيرانها هاجروا واخلت مبانيها
راحت برحله مافيها للملا رجوعي
حكم القدر. يا لعسيري بأمر باريها
امي بعد فقدها بالحيل مفجوعي
من بعدها اصبر بنفسي واعزيها
عزايه اني لها. في دنيتي طوعي
تامر وتنهى علي . ودوم. البيها
ويازين لاقالت أبو عمر مركوعي
كلمه . من لسانها مااكبر معانيها
يالله عساها مابين انهار وزروعي
في جنة الخلد تنعم عند واليها
فالح البلوي.ابوعمر
قافك يثيرالشجن بالحزن مطبوعي
يا للي. كتبت الشعر والام تبكيها
ترثي فقيدة عمر والقلب موجوعي
بيوت شعرك حزينه. من يجاريها
بالرد. مالي عذر. والشك. ممنوعي
شرهت. يدين الوفاء منهو. يخليها
الفقد. يابو عمر كم سيل. دموعي
احس. في لوعتك من قبل تبديها
الأم منهو. فقدها. صار. مجزوعي
لوهو كبير . العمر. لازال يرجيها
يا لله ياللي رزقت. افراد وجموعي
اجعل . لها. بالقبر . نور" يباريها
اسكنها في.جنتك.والذنب مرفوعي
الخلق. في. دبرتك . يارب. تنجيها
الموت حق"على. الانسان مشروعي
لابد. مانترك . الدنيا . وما فيها
العبد. في. دنيته. لاهي. ومفجوعي
واعمارنا. يالسميري بأمر. قاضيها
محمد الثوعي