[شيخه الجابري]

.
.
هذه القصيدة جديدة وتُنشر لأول مرة لعلها ترقى لأذواقكم وكل عام وأنتم بخير
..

حُولك كثير وحولي أكثر ولكن
في خافقي ما حل ْغيرك وخلاّك
.
.
يا اللي صدى صوتك حديث الأماكن
ويا اللي الأماكن بارده دون لقياك
.
.
يا ما سريت بليل دونك وساكن
رسمك وحسّك في حنايايْ وأحياك
.
.
نبض الضلوع اللي بدونك تشاكن
تَفرقهن اللحظة، ويجمعهن رضاك
.
.
دايم وأشوف الوقت في البُعد داكن
دايم وهذا الحال مشحون إرباك
.
.
كلك على بعضك وَلهَ، حب، ماكن
أتعب زوايا الروح،وأتعبني وْياك
.
.
كانت الأماني في لقاك يْتحاكن
لون الفرح يغشى حضورك ويغشاك
.
.
الله جمعنا يوم الاحساس " لكن"
والله فرقنا يوم الإحساس أهواك
.
.
كانت عيوني من غلاك يْتباكن
كل عرق في روحي بكاك وتفدّاك
.
.
لكن يا روح الروح الأحزان حاكَن
ثوب الولع في غيبتك وانتهي ذاك
.
.
ذاك الغرام اللي عليه يْتشاكن
ضلعين صبري ويتمنّني أنساك
.
.
أنساك كيف وانت فالروح ساكن
والروح كيف تعيش دونك وخلّأك!