يا مْسَهَّرْني
من برج عاجك لين باب كراجه
لو تسألين اشيائك ابتذكرني
ما تذكرين الغيمة الثجاجة؟
تمر شباكك ولك تمطرني
ما تذكرين اضوائك الوهاجة؟
عيوني اللي شوقها سهرني
أنا النهار اللي دفاك اسراجه
وظلاله اللي لجلك اتشجرني
مذياعك اللي هدهدتك امواجه
ليلك! وصوت الست ( يا مْسَهَّرْني)
أكثر حلم مرك في نفسه حاجة
وده اذا فقتي لك يفسرني
ذاك الشعور اللي شعر باحراجه
وعيت كرامة نفسه اتخسرني
أخفى انكساره حزن عاد ادراجه
وللحين كسرة خاطره تكسرني
عبدالرحمن مقبول الزهراني