[حسام المجلاد]

لا الليالي حداد ولا هي اعراس
والرمادي حياده، ما احبه

من تلوّن به الفارق عن الناس
خفت تبهت مع الوقت المحبه

راحة البال.. ولا اقول هوجاس
عِلّة القلب.. ولا اقول طبه

لا كرهني ولا حُبّه على ساس
ما اقدر اثني عليه ولا اسبه

ليت قلبه مثل ماكان حسّاس
فارقٍ بالعطا بين الأحبّه

كان ماقلت للأحلام .. لاباس
حاضره شوّه الأمس ولعب بّه

كل خوفي يطيح الفاس بالراس
يدخل الكره قلبي .. ما تنبّه

قبل اشوفه عذاب وكتمة انفاس
برتحل .. لو يظنّ بْدون سبه

وابتعد عَنْه قبل يموت الاحساس
بُعْد عَفّ اللسان مْن المسبّه!