اقتباس:
المشاركة الأصلية كتبت بواسطة نورة القحطاني
. أنا صوت السهر في غيبتك قلبي سفير أحزان
زحام من المشاعر ينتخي الذكرى على قبري !
تلوّن بالرماد ومات فيه من الأسف وجدان
حبايب كان يجمعهم شعورٍ يختصر عمري !
من احساس الجليد ونار هالذكرى وهالحذلان !
تعبت أرتب احساسي وأنا المغلوب في أمري !
أهيم بزحمة أطلالهْ .. يتيم وداخله وش كان !
ربيع اجتاحته كف الخريف وطبعها المزري
تغيرتك ؟! صدق والله تغير هالشعور أحيان !
أواجه هالسنين بغيبتك وأحلامنا تغري !
جهلنا ف اللقا لكن أنا أشوف الفراق ألوان !
رمادية .. تفرّقنا .. حسافة ليتنا ندري !
وش اللي غيّر احساسٍ عزفه من الشعور ألحان !
يموت الشوق في صمته وبعده ينتحب صبري !
سقى الله ليلة الذكرى أسف لو طالها النسيان !
تمادت بالشعور اللي ع الهقوات بي تسري !
ظلال الليل - في زحمة شعوري والغياب - أكفان
يظل الصبح ميلاد القلوب وحبها العذري !
|
المنوره شعر وشعور نوره ماجمل هذا النص الي امتداد لمطرروحك السابق ودي وغلاي