اقتباس:
المشاركة الأصلية كتبت بواسطة أحلام مؤجلة
نغيب أحياناً مجبرين .. ويعيدنا الشعر طائعين
صباحكم شعر وشوق بعد غياب طويل
يوّن الصبح من شوقه وتخنق صوته العبره
....................على ذكرى صبااااحاتك ..... يردد ونّتـه قـافي
صباح الخير لو طيفك يمـر بـ خاطري ذكره
....................صباح القهوة والضحكة وصوتك راايق ودافي
صباح الشوق لوجودك وموعد ينتظر بكره
....................على "درب اللقا" قلبي مشى لك عاني وحافي
يمر آثارك ويبكي ويحضن مابقا بـ صبره
....................يلوم ، ويعتـب ، ويشره إلى ويـن الجفـا كافي
تعبت ومرت أيامي ، وصدك مانقص كثره
....................أدوّر عـذر يشفـع لك ولكــن ... للأسف ماااافي
وش اللي اقفا بك مدري ، ومن غيّرك بالمره
....................وكنت العاشق الأول .. وكنت الصاحب الوافي
وكنت وكان ياما كان .. لكن راحت السكره
....................صحينا والوجع صاحي .. ومازال الأمل غافي
صحينا ننتظر صبح التلاقي لو فتح صدره
....................يلملمنـا بعد غيبـه على جاااال الغلا الصافي
صباح الصد ياجارح قلوب وناسي العشره
...................صبااااح الشمس لو جتنا بدونك نـورها طافي
صباحك شعر ماقلته لـ غيرك وانفضح سره
................... عجزت استره بوشاح السكوت وثوبه الضافي
نعاتبه ولنا عبره ... ونتوجع من الحسره
...................وكلْ زفرة نفس تكتب قصيدة .. تفضح الخافي
يجود الشعر وحروفه تهيج سيول منهمره
...................يبوح بـ خيبة ظنونـه على من كان لي جافي
نزف لك قافـه البارح بـ حلمٍ كان له جسره
...................عبر به بحـر اشواقه يسوووق شراعه السافي
غفا يدوّرك بأحلامه يضم طيوفك لـ صدره
...................وصحا يطبطب على جرحه يدوّر بلسمٍ شافي
صحا من قبل مايلقا ختام لحلمه وشعره
................... وكان الود لو يختم بـ " يا حي الله اللافي "
أحلام مؤجلة
|
الله الله الله
هنا شاعرة تمسك بتلابيب النص الشعري فتحيله الى جنات وظلال
فائق تقديري واحترامي