السلام عليكم ورحمة الله وبركاته
مصافحه اولى لقلبوكم امل ان تحوز على رضاكم
استوطني بين الظلوع العوج يابنت الحلال
ولك مني اني ماسألك عن شي مهما تفعلين
*تدللي مادام يحلالك وزيدي بالدلال
لكن لاتنسين يوم الموت وحنّا راحلين
الحب من صدق* النوايا مافرض فيه احتمال
*قوت القلوب الجايعه ماحرمه منهج ودين
*ياسيدة عشق الحزين اللي يدور للوصال
*تكفين يابنت الرجال اللي على الشده تعين
*يالدره اللي ماتمد ابها يميني لشمال
مغبون لو اعطيتها يسراي تحسدها اليمين
*ياكاملة الاوصاف والاخلاق لله الكمال
تسوين في عيني جميع الخلق يالكنز الثمين
يبطون ماوصلوا مواصيلك هذا والله محال
اميرة الحسن اللهي بالغلا مالك وزين
*انا دخيل الخد والمبسم ولمسات الجمال
*دليني الدرب السوي لايشمتون الشامتين
ياما تمنيت اني اشوفك ولو فيها قتال
اموت ولا اذبح على شانك سليل الغانمين
يطيب للعذال ولا ياعساهم للوبال
عهدن علي مانساك ياعذب اللما طول السنين
ياكثر عذالي وياكثر المناوي والجدال
لكن عساهم فدوة عيونك وبامر الله تزين
علي الزهيري