[ذعار بن سحاب]

انت وينك؟
ضعت ادور لك مع السكة دروب
وضاقت انفاسي ولاشفتك هناك..

ليش تسرق كل هذا العمر
ماستاهل حنينك؟
ليش كل جروح صدري سببها من غلاتك..
اسرقك بين التفاصيل وابكي لك وجع..
ضعت مابيني وبينك..
ضعت ادور لي مع الترحال ودروبك ضياع
ضعت وضياعي سنينك..
ومرْ عطرك في تفاصيل الحكاية..
كنت انادي لك واقول الشمس تضحك
من جبينك..
يابعد عمر الوداع ويابعد عمر الشعر...
محتاج عينك..
خلني بين العيون وبين ضحكة مبسمك..
ارجوك وينك...
انت لي ولاْ انا احلم لحالي..
انت لي ولاْ انا عايش وهم...
انت لي ولاْ انا مشغول بالي..
لك ثمان سنين تملاني ألم..
ومن بعد كل الغيابات
محتاج لحنينك..
يمكن اقدر ارجع اضحك مثل طفلً صغير....
يحضن امه كل ليله وينعم بالدفا..
وانت مثل الضيق لاحان بعيون الفقير..
لاجت الدنيا بعينه يدور له وفا..