فمّ في صمته تحس أن به حياه
يحتري تشرب نداه الياسمينه
وفمّ لا حرّك مـع أنـفاسـه شـفـاه
البرد صلّى في تيه وعض تينه
وإنتِ يا حلم الولد بـ أول صبـاه
يرسمك "ع" الماء ويتبلل حنينه
كم على بابك سند راسه.... وراه
كنّه أكثر من تِعب حِلم/ وغبينه
تعرفينه من سجى عينه/ وحياه
وتعرفينه من دفا نبضة "وتينه"
كل حبة خال في جسمك أراه
قطرةٍ من ليل غاوي فـ السكينة
مثلما: نهديك رويانه حياه..
غصن رمانه تدلى غصب لينه
هاتي أطوّق راحة ايدينك نجاه
و بيننا فنجان قهوة تشربينه
حيل أنا تعبان من صمتي وبكاه
هاتك البحر اللي تحتاجه سفينه
كنت عايش ما معي غيري حياه
في حياةٍ مالها غيري/ حزينه.!