[حمد الدوسري]

ياددسني سامحيني يوم تليتك
الديره ابعيد وانا الليل ممسيني
فللة بنزين ثم غيرت لك زيتك
وغيرت معاها البواجي والبليتيني
وشيكت كل التواير ثم ناديتك
تكفين ياوارد اليابان وديني
مافيه يوم طلبتيني ولا عطيتك
اعطيك مصروفي وخلي وراعيني
واليا حصل فيك ولا فيك وديتك
فنقس طبيبك قديم ولا يراعيني
نومك عنده وانا لا خذت مريتك
صداقة وافيه ما بينك وبيني
الطيب فعلك ولاجل الطيب حبيتك
لو كان عمرك سنه وسبعه وثمانيني
انا تعذرت وانت طبعاً بكيفك
اما قبلتيه والا لا تلوميني
حراج واحد وب اول سوم حديتك
ورخصت قيمتك لوهي بالملايني
بعتك على شايب فالسوق وعميتك
كداد طفران في حاجة رياليني
ماصدق اني عقب هالولف فكيتك
ولا يدري ان السبب يومك جحتيني