الله علي احيان لو ماني سعيد
رغم الحزن احس بالصبر بركه
اجهز الطاروق وابدا بالنشيد
وابحث عن الشي الخرافي وادركه
ودي اطور بالشعر شيّ جديد
واجيب لي طاروق محدٍ يسلكه
تجيني افكاري مثل حب الحصيد
اخذ جزيل الحرف والهزل اتركه
ساقتني الفكره على بيت القصيد
وحاولت اسوى بالمتاهات احركه
وكتبت لي فكره لها طلعٍ نضيد
لكنها كانت على ارض هبكه
وشلون احط العلم في راس البليد
جسم ادمي لكنه بعقل تنكه
يبي يشب النار في وسط الجليد
يبطي عظم حتى ولو هي فبركه
بدري عليه نطق راسه بالحديد
ونحط خشمه بالتراب ونفركه
نومان سحل