[ماجد العيد]

فــاجر

5:38 ص

https://soundcloud.com/user-390718147/fajir


نام الفجر ياللي تقولون فاجر ..
أشعث تفاصيله على حال مشبوه
متوسدٍّ حلمه على صوت زاجر ..
إياك والأحلام و الناس، لا تبوه !
أرضه وطن والدرب خطوة مهاجر ..
يا رب هـ الإنسان من وين جابوه ؟!
مرّوا عليه أرتال لكن خناجر ..
ذرّوا بعينه من رماده و سبّوه
الواضح اللي ما حوته المحاجر ..
الفاضح اللي مستتر يوم عابوه
يا رب : وصْلت هـ الذنوب الحناجر !
ربي : و لا مرّه تنادوا ولـبّوه !
صلّى الفجر و إمام هالحي فاجر
تبعث تفاصيله على وضع مشبوه
صحى الظهر و الخبز في يد تاجر ..
يا يلعن الأيام .. أو يلعن آبوه !