[سعيد الموسى]

في المقهى :
—

وجه نادل -
مُكتئب !
شيّ يوحي ..
بالغضب !
أو ملامح .. للتعب !
جمّع أحزان
الخزانه ..
عاد لكن .. في ذهانه !
سيّدي ..
أمرك .. طلبت ؟
[ صوت تملاه أرتجافه ]
قلت باقي ..
ماشربت !
أبتسم قال بلطافه ..
كل ماتأمر .. تفضّل !
[ طاحت أوراقه .. تأسّف ]
سيّدي والله .. عذراً
أعتذر لك .. أيدي ترجف !
كل ماابني
اتصل بي .. هزني وصار ارتجافي !
يبغى يدرس !
يبغى يلبس !
يبغى يحيا .. شف تخيّل !
حتى يحيى ماهو حيّ !
وابن هال ….. يحيا ؟
مين لاقي الحين شيّ ؟
يعني أدفع هالايجار ، والا حق الكهربه
والا غسان الحقير .. يطلب الدين بضمير !
والا والا والا والا !
ياأخي عيشه
قرف !
وين اجيبه هالترف !
حتى يبغى
لبس ثاني !
ماعجبه الاولاني !
قبل عامين
أشتريته !
مامداه أصلاً يشيله !
حتى يبغى
بسكلتّه !
يعني أزرع له
فلوس ؟
ماهو شايفني
أحوس !
كل يوم أحضر
بموس !
مااحلّق شْعر " وجهي "
والله أحلِق .. كل وجهي !
مابقى فيني
كرامه !
هو أنا ..
ناقص كلامه !؟
[ أوه آسف .. سيّدي ]
والله مااقصد .. أثرثر
بس لنّي عندي
سكّر !
يبتسم ويقول : سُكّر !
داء علقم .. ماهو سكّر !
لازعلت : افقد وأسكَر !
وش أسجل لك طلب ؟
قلت :
لو تسمح عنب !
بس
في كوب الخشب ..
ايه لو تسمح بعد ..
ماابي يجيني .. أحد
ودّي أنسى
[ هالبلد ]