...
إلى " ندى... جليلة... رشا"
خذ شور عاقل ثم تعوذ من ابليس
بعض النصايح ما تقدر بالاثمان
ويش اللي جاب من اليمن عرش بلقيس
لو ما لفا بالعلم هدهد سليمان
ترى الزعل والحزن وكثر الوساويس
تضعف نياط القلب واتصك شريان
ماقول لك لا تحب حب بمقاييس
ع القد ولا تبالغ بزود ونقصان
الاهتمام الحب وبعض الأحاسيس
أشياء تعطى ماهي تفرض ع الإنسان
وان سمت قلبك واعتلته الطواويس
لا تلوم إلا نفسك أنت اللي غلطان
الحب موقف ماهو هرج وتدليس
وان جت على التسويف كل له لسان
ابني على الأفعال وأسسها تأسيس
ولا تتبع المقفين وتصيح ندمان
شف قبلنا في ليلى يوم انهبل قيس
العشق لا اتساوى تخلده الازمان
واللي يحب خاين على هالمثل قيس
شايل كفنه ويرجو عفو وغفران
(العالية)
مع محبتي
...