[هدب]

قصيدة الرشاقه للشاعر المبدع حمد السعيد

للزين قالوا من قديم علامات000000
عين ومبسم والجسم والرشاغه
لكن كسر هالقاعده هالمتينات000000
من واغع ماهو كلام وبلاغه
اللي محليهن ولو هن ثقيلات 000000
دايم خفاف الدم وفيهن لباغه
الله ياهن يا جماعه لطيفات000000
وعلى الكلام الحلو فيهن طلاغه
ما هو ضروري بالرشاغه رشيغات000000
وزود الوزن ماهوب يعني إعاغه
لكن ماهوب ضروري يلبسن استرتشات000000
يا زينهن واللبس واسع نطاغه
لا بارك الله فيك ياالضيق بالذات000000
ترى السعه مرات تعطي أناغه
قالوا الرجيم اليوم هم البنيات000000
قلت الرجيم أدري يبيله فراغه
وقالوا الرياضه قلت ماهن مريضات000000
للسكري لامامعهن بطاغه
قابلهن الله بلارجيم ورياضات000000
بهدي لهن مني من الورد باغه
هن دفء هذا المجتمع هالرغيغات000000
هن ملح هن سكر لذيذ مذاغه
هن لاسألتوني عن الحب بسكات000000
بقول هن فيهن عن الحب طاغه
ماهو كلام اللي كتبته واشاعات000000
أنا ربطتني مع متينه علاغه