[تفاصيل منسيه]

السلام عليكم ورحمة الله وبركاته
صباح / مساء السعاده بإذن الله عليكم جميعاً
بسيطه جديده اتمنى ان ترتقي بخفتها وعفويتها لذائقتكم

اقول

نلتقي نظرات,,ونتْفارق شعور
……….من تعبنا ندفن الاحسـاس حي

من تعبنا ,, اختصرناها (فتور)
……….هو تعب او خوف او شيٍّ بشي؟

خوف من بكرى لو الدنيا تدور؟
……….او تعب من امس لو ننساه عي؟

نهرب من العاطفه بإحساس زور
……….نبـْذر النـسـيـان فـينا بـدون ري

نحسب إنا لو تجنبنا الظهور
……….راح نطفي جرحنا الغاير بـ كي

ليه انا وانته كذا نحفر قبور
……….للمـشــاعـر ؟؟ خلنا نهــدا شوي

ليه تنكر ؟؟ واجه العتمه بنور
……….كلّ م أسْأل عن شعور,,تقول:أي؟؟

أي شعور ؟؟ وْهو بقا غيره شعور؟!
……….خلّنا نـحــيــاه ,, لا نـدْفـنـه حي

وسلامتكم
12/8/2021