السلام عليكم
ابيات شعريه بمحافظتي ( الوجه )
ياهاجسي مد واقطف من عذوق القصيد
والبس حروفي جدايد واترك اسمالها
هيجن بعزفي وردد واستيثير الجديد
مدام شيخة قصيدي ولمت حالها
اعزف على الناي بانغام المشاعر وزيد
معشوقة القلب تستاهل تهيئ لها
بحضورها ينسكب نزف القلم والوريد
تاتي القصايد كما ذودٍ على فالها
منلام لو قلت في قلبي غلاها يزيد
ولو شفتها راجحه في كفه الحالها
من وين مالد عيني ذكرياتي تعيد
صرحاً مشيد لماضيها ومنزالها
اعشق تفاصيل حاضرها وماضي عتيد
من الفريعه الين الدخل وارمالها
تاريخ مشرق على وجه المعالي يزيد
رونق حضارة مفاتنها وسلسالها
ديرة هل الطيب والمدات يمنى رصيد
ماشح منهو ربا فيها ومن جاء لها
جمال مبهر مسيرة خير مجدٍ تليد
من يومها (مورثه) الفعل لرجالها
اللي اثمرت فيهم الهقوه وزان الحصيد
على متون المعالي شدو رحالها
(وجه السعد)فتنة احساس الغزل والنشيد
ارفع لها القبعه واعزف لموالها