لا والله إلا خاب فالظاهر ظنون
وطاحت من يديني كبار الهقاوي
جرحي كبير اكبر من اللي يظنون
والوقت قبل الجرح ماهوب ياوي
الليل وجهه ناب والصبح مسنون
ونفسي طواها من الصواديف طاوي
امشي مع العالم وانا تقل مجنون
من شيء شفته في زمان البلاوي
يالله تصبرني قبل لا يطيرون
عقلي وقلبي من يديني سماوي
كم ليلةٍ سهرتها مالها لون
والجسم من كثر التفاكير ذاوي
دفعت خطواتي على الدرب عربون
والذيب في صدر المسافات عاوي
شكلي وحيد وضيقة النفس مليون
والإنتظار سيوف ماهيب تاوي
في هالزمن شيطان الافكار ملعون
وبنات فكري بالمسار الشقاوي
عبدالله العتيبي