السلام عليكم ورحمة الله وبركاته
طبتم وطابت اوقاتكم ب كل خير.. مصافحه اولى اتمنى ان ترتقي الى ذائقتكم
(غصن و ورق)
يوم صار النجم طير وله جناح
وش ينبّت فـ السماء غصن وورق
ولو عطى لليل نور من الصباح
وش ستر جفن العيون ليا غرق
مابقاله من سناه الا وشاح
كل ماضاق المدى حوله برق
كان يعزف جرحه لطعن الرماح
لو يزيد الجرح عادي مافرق
كان يسقي غيمة الصيف القراح
يوم جاء يشرب من الغيمه شرق
يحسب ان النار حيّا عـ الفلاح
راح يستسمع لها لين احترق
ما تعزوا بالنخاوي والسلاح
من سراب الصبر لحلامه سرق
لين صار النجم طير وله جناح
جيت انبّت غصنه بصدر الورق