[سعيد الموسى]

المشاركة الأصلية كتبت بواسطة محمد السويحي

السلام عليكم ورحمة الله وبركاته
صبحكم الله بالخير
شكراً على المتصفح الجميل …
يفترض ان يكون هذا الاستفزاز الشعري بيني وبين الدكتور خالد العزاب
ولكن بما ان الدكتور خالد منشغل بمناقشة رسالة الدكتوراه هذه الأيام
اردت أن يكون هذا النص بلاتقويس ( ) ولكن لابأس أن يكون التقويس لأحدهم 😉



دُكترخالد
يسأل ضاري
مصعب خالد
سامر
فيصل
سعد مبارك
وابن طواله
ابو الجوري
وابن المانع
سامر طايل ..
عز الحربي
مالك متعب ..
دكتور امجد :
وين محمد ؟
ارحب ارحب
ياللي تنشد
يابو فارس مشغول اكتب
عندي قصه
مدري طرفه
يمكن غصه !
صبر شويه
هاك القصه :
قبل اسبوع
جاني شله
منهم لـ الله
………………
أهلاً اهلاً
انت محمد ؟
انت الشاعر ؟
ممكن لحظه ؟
لو تتكرم
وقتك يسمح ؟
ممكن نسمع ؟
من اشعارك
من افكارك

(قلت الطيب ماينرد
نبادل هالود بوّد )
بسمّعكم
نص المنفى
قالوا لالا
تكفى تكفى
نبغى عرضه
قلت العرضه مالي فيها
من اولها ليا تاليها

لكن شوفوا
ابو خالد
والبيضاني
عبدالواحد
والسوطاني
شوفوا فارس
شوفوا مصلح
قالوا يعني !
زعكان اشبه
ماهو مفلح
والا شعره
ماهو يصلح
ياذا النشبه !
ياخي شاعر
والله شاعر
لكن انتم
قاطعتوني

قالوا طيب
عطنا قلطه
قلت القلطه مالي فيها
من اولها ليا تاليها
فيه حبيب
والميزاني
عندك شاهر
عندك حامد
والا الشيخي
قاطعني من الشله واحد
مخه فاسد
قال الشيخي شاعر عرضه
وانت تقول اسمع له قلطه ؟
قلت الشيخي شاعر مبدع
في اللونين ولعبه ممتع
قال اسمح لي
عندي نقطه
لاصرت تقول ان الشيخي
شاعر متفرد تاريخي
ليش تقول المنفى شعر
والتفعيله ايضاً شعر
خلك زيه
ميّه ميّه
قلت اصبر طيب والنظم ؟
هذا شعر وهذا شعر !
قال القلطه
ومعها العرضه
ياخي مافيها نقاد
خلك معنا
حول المعنى
هاه و هاه
ومن بكره والناس تسولف
اللي حبك واللي مبغض
واحد يفتل واحد ينقض
والمعنى في بطن الشاعر
والله يابطنه مايدري
حتى بطنه يمكن فاغر

خلك من خالد بن صالح
وسعيد الموسى مع قايد
ماقد قالوا نصك صالح

هذا خبن وهذا دفن
عندك كسر وعندك هنه
واقرا ساري
لسعيد الموسى
واستكشف
وين اللي حنا نعنيه
قلت النقد يقوم ضعفك
ماهو ضدك
هذا بصفك
مايقصدك
ولا يقصدني
ياخي والله ماهو يمك
ولا هو يمي
واعرف خالد
واعرف قايد
يبغون الشاعر يتطور
يبغون الشعر يصير افضل
اطرق ساعه
وقام يتمتم
(هاه هاه هاه )
كيني ميني
مايعنيني
حتى القلطه
ومعها العرضه
اصلاً فعلاً ماتعنيني
ابغى شعر بدون قيود
ماله ناقد
ماله صاحب
ماله حاقد
ماله معنى
ماله وزن ولاقافيّه
يعني (قصيده نثريه )
انا شاعر
واللي حولي
شعار بمعنى شعّار
بس احيانا
اسف دايم
نكسر بيت
نِضعف فكره
شويه شويه
قلت اسمع ياشيخ فلان
عندي فكره
ماتخرش ياشيخ الميه
فزوا
صاحوا
قاموا
طاحوا
تكفى
تكفى
عطنا الفكره
قلت الفكره ماهي صعبه
بس بشرط تكونوا شله
وتسوون لبعض دعايه
فيكم جرأه
فيكم فله
واللي احسن منها مره
لو واحد منكم مشهور
سوى مجله

يتبناكم
يكتب عنكم
ويساندكم
ويقدمكم
واحد واحد للجمهور
رواد الشعر المتفكك
(والقصيده الكسريه )
قالوا وينك مبطي عنا
ليتك معنى
قلت اسم الله
من جا ما ابطى
ما ابطى بالسيل
الا كبره .


محمد السويحي

[ مبدئياً لكل الأصدقاء أنتم في مأمن - ومحمد أيضاً ]
مشكلتي في الحياة ماأهجي اصدقاء والا الصراحه ودّي - لذا هناك قفشات لكنها خارج إطار كل الابعاديين والاصدقاء
لكنها بالطبع داخل إطار مجتمع الشعر
-
بسم الله وعلى بركة الله - هاك :

-

أهلاً - سهلاً - حبّاً - عَذباً !
للسيل الجارف / تشريف !
[ ماني قايل له تصريف ]
وأحنا نحفظ : حق الضيف !
أمّا بعد - وأمّا قبَل :
ساري هذا عنده نُبَل !
والعالم هذا/ مختّل !
اللي أوّل / واللي قوّل / واللي فسّر / واللي كسّر / واللي يجرح / واللي يمدح / واللي يستر / واللي يفضح / واللي أنظف / واللي أسخف !
واللي لمّح / واللي يشطح !
خِذ أنفاسك - "
في كراسك " !
هذا كاسك : يَكرِم ناسك
وأدري صدرك " صالح ناسِك "
وأنت الأجمل - مثلك منحَل
وأعني منحَل ماهو : منّ/حلْ !
لن الواقع ماهو أجمل - حَبل تْداخل عيّا ينحل !
ساري همّه ماهو الخيط !
-
ماهو حِمل لهالتخطيط !
هو خايف من هالتوريط !
ماهو خايف / يعني خايف !
لكن سيّد شِعره / شايف !
مكه - ماتشبه للطايف !
لو غيمتها - هي تمطرها
حتى بانت / في أخضرها !
مكه : تفرق في جوهرها !
مكه : تنكر من ينكرها !
روحك تحيا من تحضرها !
مكّه أم لكل - الكل - لاتزرع لي تين وفُل !
قلت المعنى ؟
الله معنا !
الله شايف - عالم - عارف : إن أيدينا " ماهي أظْفْرنَا "
هذا الجمع - وهات السمع :
والله لو صادفت أنسان - في هالأرض وهو جيعان
والله : لانزع لقمة فمّي !
ماآقاسمها - له أطعِمها !
دونه عذر - وماابغى شكر !
وأن صادفني / بعد اعوام !
يسبق جوعي - هالأيام
بهْمِس : فمّي " صام ونام "
هذا مَبدأ - ماهو أوهام !
-
خلّك منّي - خذها عنّي - ماهو شكّي أو هو ظنّي !
هذي الساحه - مو لمّاحه !
صدري وأبخَص : في مفتاحه !
والتّف - تْخبَنْ " التفاحه "
لو مرّه - مروك أوغاد - قالوا " كعبة روحي - عاد "
يعني وينه فيهم " هود " ؟
هذي القصّه - فيها غصّه - فيها أصبع " نِصّه نَصّه "
فيها " حِصه "
حصّه - هاللي مااعرفها !
تكرَم - وأكرَم عن ظاهرها - لو باطنها هو مشتلها !
مرّر - فسّر - " لاتحقرها "
[الله يكسر " من كسرها " ]
حط الياء - اللي يَجبرها !
-
ياصاحب والمعنى :
ناس !
جوهر " هالأبعاد "
"ألماس "
جنّب بندر - جنّب خالد !
جنّب تركي - جنّب قايد !
مصعب
سامر
عزّ -
وفيصل
إبن المانع
مالك - ضاري
ماجد - والغالي العزاب
والردادي - وسليمان
دكتور أمجد : قولك يجحد !
إبن طواله - سعد مبارك !
الله بلسانك - مابارك !
تارك ياخي اسرائيل
جاي وهمّك هذا الجيل !
تارك هالسبعه : مليار - جاي وماسك بالشعّار !؟
يعني قلنا : جاي حليله
أول دخله - شادد حيله !
لكن يهجي " وبتفعيله " ؟!
ياها الليله - لاتهلّي له !

🙊😂