ياأديب الفكر مفعم بالذهول
بحاضر الأيام بواقعها المريع
ياأديب العالي فيها بالنزول
واستوى الفاهم مع جهل الوضيع
ياأديب الأسئله بذهني تجول
وحايرٍ مابين مقدر واستطيع
ياأديب الصمت مايجلب حلول
ومن تردد بالحجج حقه يضيع
ياأديب الروح لو منا تزول
مانساوم في مبادينا ونبيع
ياأديب الصح ماعنّه يحول
لو صحيحه خالفه راي الجميع
ياأديب النجم لو يرضى الأفول
كان صيته بالمحافل مايشيع
ياأديب الورد لو شفته ذبول
عطره الزاكي باقيبه ربيع
ياأديب الكل لو يطلب ينول
مابقى محروم بالكون الوسيع