مدخل :
لو أتغير مابقى جرح ماغار
ولو غار جرحي افرحو بانغياره
ولوأتغير مابقى جرف ماهار
ولو هار جرفي احتفو بانهياره
.
.
.
.
لبيه ياوجهٍ لفت كل الأنظار
حتى بغيابه مستحل الصداره
جيتك بحلمٍ مغرم بكل الأسفار
يبحث يدور بالزمن عن وقاره
جيتك بفجرٍ في رحى الوقت مادار
مجزل بصبحه منعزل في نهاره
جيتك بعمرٍ جغرفه لوح وجدار
تلهث سنينه في رحاب المغاره
جيتك بجرحٍ احتمى فيه مسمار
وانت الطبيب انت الدوى والزياره
جيتك معافر جيت عابر وخطار
من شفت ضوك اقدحت بي شراره
جيتك ولكن حدني ليل وغبار
وعجزت أميز أبيضي من سماره
جيتك مكبل باالدهر كيف انا اختار
وكيف اتجاوز منعطف وانحداره
جيتك بطفلٍ بالخطا مابعد سار
مالطخه ذنب وتلون مساره
جيتك مبلل بالنوى ولم النار
خرمان كني منقطع عن زقاره
جيتك أسولف واتفلسف بالأفكار
اتعبني راسي بالذكى والشطاره
جيتك مسبل بالشعر ثوب الاشعار
انسج جميله واجمله عن جداره
وجيتك أشعبط بالسهر ليل الأسوار
وجيتك أشخبط بالسطر والعباره
ليتك تفك اللغر وتحل الأسرار
مثلك لبيب ويفتهم بالإشاره