حول عنق الليل من حزني وشاح
ضيقتي .. تملى زوايا .. غرفتي
خاب ظني .. والامل ما يوم ، لاح
ما هطل فرْحي .. وبلل .. تربتي
ليت في صدري .. زراير انشراح
كان افك القيد ، واطلق .. عبرتي
لكن الصمت اعتراني ، واستباح
بيني وبيني ، تنامت .. وحدتي
لا محاصيلي .. يلملمها .. كفاح
لا بكى ينفع .. لو انثر ، دمعتي
كل ما عدّت .. على ، باب الجراح
امنيات العمر .. تنزف ، خطوتي
ما لقى غصن التعب ، ظل ارتياح
يوم طاح الحيل .. طالت ، سكتي
يا سنيني لي متى وانتي " رياح
عاتيه " .. يوم السنابل ضحكتي ؟