[سعيد الموسى]

وإذا يعني تضايقنا وصار الهمّ يشربنا
_ أبد ذوقوا مواجعنا تقهووا دمنا عادي
وهاتوا نايكم منّا ' من أنشزنا إلى أطربنا
_ نبي تنهيدنا أعظم مدام أن الفرح غادي
تغربلنا ورب الماء ولا اشرقنا قل اغربنا
_ مناحلنا ارحقت منّا وحنّا بـ اوسط الوادي
مفاعيلن - مفاعيلن
ولا فِعْلُنْ بدر منّا !
ولا مستفعلن حتّى ونهمس " شي يسكتنا "
تفاعلنا مع الكلمة - وهي تتفاعل بحكمه !
ولا نفهم وش آخركم
عشان نصيغ أولنا !
تشظينا - تناسينا - تقلصنا - تمددنا
ولا هذي غدت تنفع
ولا هذي غدت تقنع !
ولا هاللاء - تتركنا - ولا به " إيه " ترحمنا " !
أبد ياسادة " الفكرة " - تخمّرنا على فكره !
وصرنا ننفع لـ سَكْره تكّفيكم إلى " بكره "
كفاكم دمّنا - والا !
مذاق أحلامنا - " احلى ؟ "

-