اقتباس:
المشاركة الأصلية كتبت بواسطة علي الغانمي
تسأول ؟
- كم من شخص يعيش بيننا
و بداخله ذالك الشخص الملون ؟
[ المهرج ]
تلاويين الحياة بـ طلتك ... ما تخفي المستور
تمر العابرين .. وتصنع البسمه على / شفاتك
رغمْ هذا الظلام اللي يحيطك ماذخرت النور
تكافح و الهدف واضح ، هروبك من معاناتك
تصنّعت الفرح لِـ الناس و قلبك يعتليه شعور
خيانة هالشعور أعظم / وتهميشه بسم ذاتك
تشكّل في وجيه المتعبين ، بضحكتينٍ .. زور
وتحرق مابقى لك من عمر و تعيش بسكاتك
عن الماضي عن جروح الزمن والخاطر المكسور
عن الغربه عن المجهول ..؟ و اللي في خيالاتك
على باب الامل تاقف و يمنع من دخولك سور
على هذا الزمان .. اللي تمده / بـ أبتساماتك !
تلاويحك لـ / هذا اليوم كانت بس جبر كسور
لجل طفـلٍ يغادر ، هالمكان … وجدد آهاتك
نفاقك نحـو هـ العالم خذاك ولا رغبت الدور
تجاعيـدك ! تبيّـن وشكثر .... مليت : وقفاتك
وقفت اللي بحث له عن حياة بعين هالجمهور
طموحاتك تعوّض كل خيبه .. عن / طموحاتك
رسمة البسمه الذبلا خذيت الابيض الطبشور
رقصة وغايتك تلقى الفرح عن لحظة : شتاتك
مهرج همك الاكبر … يعيشونك فرح و سرور
و تخفي حزنك الدامي .. بتمثيلك لضحكاتك
مهرج تصبغ العتمه ، تحاول / تمنع الديجور
تدور نور من ظلما .. الحياه بـ نور / مشكاتك
انا ادري .. أنك الاكثر الم .. لـو تبتهج مسرور
و دورك للاسف ما كان أبد ضمن : أختياراتك
مرورك في محطات السعاده كان جسر عبور
بدايتها ضياع ... لِـ سكّة أحلامـك و رغباتك !
تبيع البسمه الصفراء مجمل مالحقك قصور
تحاول ؟! قد ما تقدر و لكن ... الزمن / فاتك !
- علي الغانمي |
هكذا يحاك الشعر اذا لمعة الفكرة وتحرك الشعور
اتيتنا بقصيده باذخه تختال وجعا
شكرا يا علي
سلم البيان